ປະສານສົມທົບ ແລະ ຮ່ວມມືກັບຄູ່ຮ່ວມພັດທະນາ, ອົງການຈັດຕັ້ງສາກົນ ແລະ ບັນດາປະເທດເພື່ອນ ມິດ ເພື່ອຍາດແຍ່ງການສະໜັບສະໜູນທຶນ, ເຕັກນິກວິຊາການຕ່າງໆ ຈາກພາຍໃນ ແລະ ຕ່າງປະເທດ ເພື່ອພັດທະນາວຽກງານຊົນລະປະທານ;

ສ້າງຄວາມເຂັ້ມແຂງທາງດ້ານວິຊາການຊົນລະປະທານ ໃຫ້ແກ່ນັກວິຊາການຂະແໜງການຊົນລະປະທານ, ສູນ, ສະຖາບັນ, ໂຮງຮຽນ, ກຸ່ມຜູ້ນຳໃຊ້ນ້ຳ ແລະ ຜູ້ປະກອບການດ້ານຊົນລະປະທານ ທັງສູນກາງ ແລະ ທ້ອງຖິ່ນ ໂດຍການຈັດຝຶກອົບຮົມເຕັກໂນໂລຊີທີ່ທັນສະໄໝດ້ານຊົນລະປະທານ, ຈັດທັດສະນະສຶກສາແລກປ່ຽນບົດຮຽນ ຢູ່ພາຍໃນ ແລະ ຕ່າງປະເທດ;

ຄຸ້ມຄອງ ແລະ ກວດກາ ມາດຕະຖານເຄື່ອງມືອຸປະກອນວິໄຈຄຸນນະພາບນໍ້າ, ດິນ, ວັດສະດຸກໍ່ສ້າງ ແລະ ເຄື່ອງມືສໍາຫຼວດ-ອອກແບບ ຂອງບັນດາຜູ້ ປະກອບການ ທີ່ນໍາໃຊ້ເຂົ້າໃນບັນດາກິດຈະການຊົນລະປະ ທານ ພ້ອມທັງວິໄຈຄຸນນະພາບນ້ຳ, ດິນ ແລະ ວັດສະດຸກໍ່ສ້າງ ເຂົ້າໃນວຽກງານ ພັດທະນາ ຊົນລະປະທານ ແລະ ຂະແໜງການອື່ນ;

ຄຸ້ມຄອງ, ຕິດຕາມ ສະມາຄົມນັກວິສະວະກອນຊົນລະປະທານ ແລະ ສະມາຄົມນັກທຸລະກິດຊົນລະປະ ທານ ເພື່ອຮັບປະກັນການພັດທະນາຊົນລະປະທານ ໃຫ້ມີປະສິດທິພາບ, ປະສິດທິຜົນ ແລະ ຍືນຍົງ;

ປະສານສົມທົບກັບ ໂຮງຮຽນ ຊົນລະປະທານຊັ້ນສູງ ທ່າງ່ອນ, ບັນດາວິທະຍາໄລກະສິກໍາ ແລະ ປ່າໄມ້, ຄະນະຊັບພະຍາກອນນ້ຳ ມະຫາວິທະຍາໄລແຫ່ງຊາດ, ສູນ, ສະຖານີ ຢູ່ສູນກາງ ແລະ ທ້ອງຖິ່ນ ເພື່ອ ແລກປ່ຽນຖອດຖອນບົດຮຽນດ້ານເຕັກນິກວິຊາການຊົນລະປະທານ ແລະ ຄຸ້ມຄອງ-ພັດທະນາແຫຼ່ງນ້ຳ ເຂົ້າມາພັດທະນາຫຼັກສູດການຝຶກອົບຮົມໃຫ້ມີຄວາມເຂັ້ມແຂງ;

ສັງລວມ, ສະຫຼຸບ ແລະ ລາຍງານການເຄື່ອນໄຫວວຽກງານ ປະຈໍາເດືອນ, 3 ເດືອນ, 6 ເດືອນ, 9 ເດືອນ ແລະ ປະຈໍາປີ ຂອງກົມ ໃຫ້ຂັ້ນເທິງ ແລະ ພາກສ່ວນກ່ຽວຂ້ອງ ເປັນປົກກະຕິ ແລະ ທັນເວລາ;

ປະຕິບັດໜ້າທີ່ອື່ນ ຕາມທີ່ໄດ້ກຳນົດໄວ້ໃນນິຕິກຳອື່ນ ແລະ ການມອບໝາຍ ຂອງລັດຖະມົນຕີ, ຮອງລັດ ຖະມົນຕີ ຜູ້ຊີ້ນຳ.

ນໍາສະເໜີຮ່າງຍຸດທະສາດ, ແຜນແມ່ບົດ, ແຜນງານ, ແຜນການ, ໂຄງການຈັດຕັ້ງປະຕິບັດວາລະແຫ່ງຊາດ ຂອງກົມ ແລະ ຂະແໜງການ; ຄົ້ນຄວ້າກໍານົດ ນະໂຍບາຍ, ມາດຕະການ ໃນການຫັນເປັນຊົນລະກະເສດ ເພື່ອການສົ່ງເສີມການຜະລິດພາຍໃນ ແລະ ສົ່ງອອກ ຕໍ່ກະຊວງກະສິກຳ ແລະ ປ່າໄມ້ ພິຈາລະນາອະນຸມັດ;

ອອກຂໍ້ຕົກລົງ, ຄໍາແນະນໍາ, ແຈ້ງການຕ່າງໆ, ກຳນົດໝາຍເຕັກນິກ, ຄູ່ມືວິຊາການ ແລະ ລະບຽບການ, ໜັງສືສະເໜີເຖິງຫ້ອງການ, ບັນດາກົມ, ສະຖາບັນ ແລະ ຫົວໜ່ວຍວິຊາການລະດັບສອງ ອ້ອມຂ້າງກະ ຊວງ ແລະ ຂະແໜງສາຍຕັ້ງຂອງຕົນຢູ່ທ້ອງຖິ່ນ ເພື່ອຈັດຕັ້ງປະຕິບັດວຽກງານຊົນລະປະທານ ຂອງຂະ ແໜງກະສິກໍາ ແລະ ປ່າໄມ້ ໃຫ້ໄດ້ຮັບຜົນສຳເລັດຕາມຄາດໝາຍທີ່ວາງໄວ້ ພ້ອມທັງກວດກາຕິດຕາມ ຊຸກຍູ້ການຈັດຕັ້ງປະຕິບັດໃຫ້ໄດ້ຮັບຜົນດີ;

ຊີ້ນຳ, ຄຸ້ມຄອງ ດ້ານເຕັກນິກ, ວິຊາການ ຕາມການແບ່ງຂັ້ນ, ແບ່ງຄວາມຮັບຜິດຊອບ ແລະ ແບ່ງສິດຕາມສາຍຕັ້ງ ໃນການຕົກລົງບັນຫາຢ່າງລະອຽດ, ຈະແຈ້ງ ຕາມກົດໝາຍ ແລະ ລະບຽບການ ທີ່ວາງອອກ;

ຄົ້ນຄວ້າ ແລະ ນໍາສະເໜີ ລັດຖະມົນຕີ ຮັບເອົາການລົງທຶນ, ການອອກ, ໂຈະ ຫຼື ຖອນໃບອະນຸຍາດດໍາເນີນທຸລະກິດ ກ່ຽວກັບກິດຈະການຊົນລະປະທານ; ຄົ້ນຄວ້າ ແລະ ປະກອບຄໍາເຫັນ ກ່ຽວກັບການລົງທຶນທັງພາຍໃນ ແລະ ຕ່າງປະເທດ ດ້ານກະສິກໍາ, ປ່າໄມ້ ແລະ ພັດທະນາຊົນນະບົດ ຕາມພາລະບົດບາດຂອງຕົນ ບົນພື້ນຖານກົດໝາຍ ແລະ ລະບຽບການ;

ປະກອບສ່ວນດ້ານເຕັກນິກ, ວິຊາການ ໃຫ້ແກ່ພາກສ່ວນຕ່າງໆ ເພື່ອຊຸກຍູ້, ຜັນຂະຫຍາຍ ການພັດທະນາຊົນລະປະທານ ບົນພື້ນຖານການ ຕົກລົງເຫັນດີຂອງຂັ້ນເທິງ;

ອອກຂໍ້ຕົກລົງ ແຕ່ງຕັ້ງພະນັກງານ-ລັດຖະກອນ ພາຍໃນກົມ ໄປເຄື່ອນໄຫວວຽກງານ, ປະຊຸມ, ຝຶກອົບ ຮົມ, ສຳມະນາ ຢູ່ສູນກາງ, ທ້ອງຖິ່ນ ແລະ ເຂົ້າຮ່ວມກອງປະຊຸມພາກພື້ນ, ສາກົນຕາມການຕົກລົງ ແລະ ມອບໝາຍຈາກຂັ້ນເທິງ;

ພົວພັນ, ເຊັນສັນຍາ ແລະ ເຮັດບົດບັນທຶກຕ່າງໆ ກັບອົງການຈັດຕັ້ງທັງພາຍໃນ ແລະ ຕ່າງປະເທດ ກ່ຽວກັບການຮັບເອົາການຊ່ວຍເຫຼືອຕ່າງໆ ເຂົ້າໃນວຽກງານຊົນລະປະທານ ຕາມການອະນຸມັດຂອງຂັ້ນເທິງ;

ຄົ້ນຄວ້າ ແລະ ນໍາສະເໜີ ການປັບປຸງກົງຈັກການຈັດຕັ້ງ, ພາລະບົດບາດ, ການກໍານົດຕໍາແໜ່ງງານ, ການບັນຈຸ, ສັບຊ້ອນ, ຈັດວາງ, ແຕ່ງຕັ້ງ ແລະ ປະຕິ ບັດນະໂຍບາຍ ຕໍ່ພະນັກງານ-ລັດຖະກອນ ຂອງກົມຊົນລະ ປະທານ ຕາມການແບ່ງຂັ້ນຄຸ້ມຄອງ, ກົດໝາຍ ແລະ ລະບຽບການທີ່ກໍານົດໄວ້ ໃຫ້ເຂັ້ມແຂງ ແລະ ມີປະ ສິດທິພາບ;

ຮຽກໂຮມ ພະນັກງານຄຸ້ມຄອງ-ນໍາພາ ແລະ ລັດຖະກອນວິຊາການ ໃນຄວາມຮັບຜິດຊອບຂອງຕົນ ເຂົ້າຮ່ວມກອງປະຊຸມ ຫຼື ລາຍງານສ່ອງແສງ ວຽກງານເປັນແຕ່ລະໄລຍະ, ເຂົ້າຮ່ວມງານວາງສະແດງສິນຄ້າກົນຈັກກະສິກໍາ, ເຄື່ອງຈັກ-ອຸປະກອນຊົນລະປະທານ ແລະ ຕະຫຼາດນັດ, ຝຶກອົບຮົມ, ສໍາມະນາວິຊາການແລະ ລົງເຮັດວຽກຢູ່ທ້ອງຖິ່ນ-ຮາກຖານ ຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ ຕາມທີ່ໄດ້ກໍານົດໃນກົດໝາຍ ແລະ ລະບຽບການທີ່ກ່ຽວຂ້ອງ;

ສົມທົບກັບພາກສ່ວນກ່ຽວຂ້ອງ ເພື່ອກວດກາການຜັນຂະຫຍາຍ ແລະ ຈັດຕັ້ງປະຕິບັດແນວທາງນະໂຍບາຍຂອງພັກ, ມະຕິ, ຄຳສັ່ງ, ກົດໝາຍ, ລະບຽບການ, ແຜນພັດທະນາເສດຖະກິດ-ສັງຄົມ ໃນຂະແໜງການຂອງຕົນ, ພາລະບົດບາດ, ການປະຕິບັດແຜນການ, ການຄຸ້ມຄອງພະນັກງານ-ລັດຖະກອນ, ງົບປະ ມານ ແລະ ຊັບສິນຂອງລັດ ທີ່ຢູ່ພາຍໃນຂອບເຂດຄວາມຮັບຜິດຊອບຂອງກົມ;

ປະຕິບັດສິດອື່ນ ຕາມທີ່ໄດ້ກຳນົດໄວ້ໃນນິຕິກຳອື່ນ ແລະ ການມອບໝາຍ ຂອງລັດຖະມົນຕີ, ຮອງລັດຖະມົນຕີ ຜູ້ຊີ້ນຳ.